按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
可容忍货币出现危机！2005年美元汇价上升，相信只系2002至04年抛空美元者平仓；2005年至今两年半时间美元汇价回落，则系因为市场睇淡美元。最终系美元跌穿2004年12月31日低点而引发美元危机，抑或美元止跌回升，结束过去两年半嘅弱势？一旦美元汇价方向明朗。对未来金融市场影响好大。下周森池兄喺研讨会上及我老曹同德银开嘅研讨会上，都会就上述问题作较深入探讨，暂时系咁先。
流动性资金过剩系近年流行嘅名词（虽然此名词由来已久）。乜嘢系流动性资金过剩？根据英国出版嘅《经济与商业辞典》解释，流动性资金过剩系指银行自愿或被迫把资金赶出去，即银行再唔愿吸收存款，理由系银行吸收到嘅存款好难借番出去，因此银行唔再积极吸收存款，反而鼓励贷款（甚至有人利用贷款去投机亦视而不见）。从宏观经济角度睇，系货币增长率已超过GDP增长率，存款增长率大大超过贷款增长率，形成愈来愈多资金闲置响银行。例如中国去年M_（2）增长率16。5％，超过GDP增长率六个百分点；今年第一季M_（2）增长率更达17。3％，亦超过GDP增长六点三个百分点，出现较严重性流动嘅资金过剩。
流动性资金过剩有乜害处？一、过剩资金推动投资过热（例如1990至97年嘅香港、1985至89年嘅日本及2004年起嘅中国），导致资产价格上升。一旦流动性资金过剩情况逆转，又导致资产价格大幅滑落（例如1997年8月至2002年嘅香港、1990年至2003年嘅日本）。二、资源错配、低效投资及浪费。大量资金流入股市楼市，但实体经济却缺乏资金支持；企业因为较容易获得资金（透过上市或发行新股）而作出大量投资或低效益投资甚至浪费资金，并非实体经济所需，例如内地钢铁业、水泥业等已出现上述问题。三、央行货币政策有效性及独立性受影响。例如去年起人行连续六次加息都未见成效。四、商业银行过度扩充贷款业务，而放大信贷风险。例如香港银行喺物业贷款上利率一减再减，而且喺审批贷款过程中宽松，都在放大银行信贷风险。五、最大害处系催生资产泡沫，大量资金由银行涌入资产市场刺激投机气氛，令投资者忽视金融风险加入追逐短期利润，例如内地A股市场响年半时间上升130％。
解决之道：A、减少贸易顺差。透过人民币有秩序地升值、出口退税逐步减少或取消部分产品出口退税。B、增加消费刺激入口，经济增长由出口带动转为内部消费推动；未来积极扩大进口系中国对外经济嘅工作重点。C、解决商业银行流动资金过剩问题，包括提高存款保证金率；人民银行向商业银行发债；鼓励及支持银行业产品创新；QDII及鼓励资金“走出去”。D、利用家吓环境提升高科技行业补贴，淘汰低附加值、污染严重、耗能较高嘅行业，目的唔系减少流动资金，而系有效咁疏导资金，令资金转为有利经济结构嘅优化方向。今时今日才入市想捞一笔嘅投资者，小心结果变成筲箕打水（辛苦过后唔见水）。
香港返工深圳居住
政协十届全国委员会常委会第十八次会议开幕。国家发改委主任马凯认为，今年1至5月工业增加值较去年同期上升18。1％，其中高耗能、高污染行业更加系高速增长，令全国用电量上升15。8％。如果呢种状况不能及时扭转，“十一·五”规划将难以实现。下半年将理顺煤炭价格成本机制，推进成品油、天然气价格改革；国家将适时出台燃油税，并研究开征环境税及资源税。
中国响四年内建成青藏铁路，全长六百九十哩，较原定计划早三年完成。三万八千个工人一起工作，以每天完成半哩嘅速度进行，跨过冰川、岩石，有D地区气温低至零下三十一度！最高系昆仑山上铁路，海拔一万五千尺，进入“缺氧层”（瑞士工程师曾认为唔可能响咁高嘅山上建铁路！）。呢次打破全球最高地方上建成铁路嘅纪录！今天中国已有三万二千哩铁路，每天乘客超过五百二十万，5月开始提速，二百八十架高速火车头以时速一百五十五哩行驶。今天由上海到北京坐火车只需十小时，依家全国铁路仍在延长中，用作载运煤、农产品、货柜，成为陆路上最便宜嘅交通工具，尤其系面对高油价压力。火车运载能力三倍于货车，营运成本较货车便宜许多。中国超级公路大致上已建立，未来努力建立铁路网，将令中国境内货运成本大幅下降。
回归十年，香港能否长期保持竞争优势？家吓香港嘅交易成本已经好低，可做嘅事已唔多。香港经济同内地融合中，例如香港人居住响深圳，佢地嘅购买力可立即上升三倍到五倍，形成低收入港人大量内移深圳。只有咁样，才可令香港嘅劳动成本进一步下降。为加速香港低收入居民内移深圳，两地交通必须接轨，上述趋势将令本港中下价楼失去上升动力。上述情况响纽约、伦敦及东京早已发生，唔少喺纽约返工嘅人住响费城；唔少喺东京返工嘅人每天坐两小时火车来回；喺伦敦返工嘅人每天亦坐火车来回；未来将有愈来愈多香港人住喺深圳，回香港返工！即未来十年香港将面对低收入人口大量流失嘅问题。今天香港嘅强项系国际贸易及金融中心地位，喺未来五至十年，嗰D跨国公司冇可能转移到上海或北京，但香港嘅投资银行员工喺上海或北京停留嘅时间则愈来愈长。当人民币不可兑换及中国法律体系唔够透明等因素逐渐解决，五到十年后香港金融中心地位又点？香港喺世界经济体系完全融合中先行一步嘅优势可维持几耐？今天香港对外贸易总额有一半系与中国有关嘅转口贸易，本港上市公司中有一半系红筹、国企，或系喺内地开厂嘅企业，十年后香港经济系点？真系木宰羊。
1997年7月至今，香港主权回归十年，香港已分裂成为两个社会：甲、富人社会；乙、中产及穷人社会。来自唔同阶级，心态完全唔同。例如我老曹因1967年夏天离开学校到社会做事，香港经济由1967至97年高潮迭起，自然认为“只要你努力，定有美好明天”；反之，1997年夏季才离开学校到社会做事嘅下一代却告诉我老曹：任你点努力，明天都唔知会变成点。佢地一离开学校便面对亚洲金融风暴，连“做好呢份工”嘅机会都冇便失业；好唔容易撑过去，再来一次2000年科网股泡沫爆破；最后有份较稳定嘅工，希望安居乐业时，本港楼价早已上升60％又点供？点叫佢地相信“明天香港更美好”？
20％嘅香港富有家庭，佢地实在唔了解穷人点样生活；同样理由，要穷人相信香港回归后更美好，佢地会认为你噏得出就噏。富有阶级追求豪宅或到其他地方打高尔夫球或乘坐邮轮，贫穷阶级却为生活而挣扎求存。咁样嘅社会点可以和谐？森池兄第二本新书叫《平民资本家》，我老曹所见却系二元社会。我老曹唔相信“均富论”。现今社会平民点能变成资本家？能够成为资本家者，唔会长期系平民也。
摩洛哥潜藏投资机会
唔少人希望响股票市场赚钱，但满意自己成绩者少之又少（尤其系今年上半年）。多少所谓理财专家所提供嘅“快富”（get…rich…quick）计划，事后皆货不对办，可惜消委会唔接受呢方面投诉。对我老曹而言，并冇乜投资秘笈，只系有一句话已讲咗几十年：有智慧不如趁势！第一戒，唔好以为自己了不起（股市专收叻仔），所以淡市莫估底、旺市莫估顶。一旦趋势形成便加入，趋势结束便离开，就系咁简单。今年上半年有几多专家估顶而没顶？1997年8月至2003年4月，几多楼市专家估底而变成负资产？森池兄喜欢食全熟牛排（Second end cut！），佢认为第二块牛排最好味，因为第一块通常烧爡⒌诙橥ǔＷ顆ell done！我老曹却喜欢有血嘅牛排（可能前世系生番），习惯要“中间”嗰块牛扒。上述亦反映我地两人嘅性格，我老曹喜欢趋势形成时加入，系宁买当头起信徒；森池兄样样事物都要求well done。所以买嘢跟老曹、揸货跟森池兄，保证你唔撞板。
最近资金大量流入摩洛哥，可惜我老曹分身不暇，无法飞去摩洛哥实地观察，一如2005年最佳投资越南，亦因我老曹分身不暇而错过机会，但陆氏实业（366）亦为大家带来唔少利润！可惜冇上市公司投资摩洛哥，唯有吞口水算啦。1997年7月起我老曹亦做咗刘乃强兄信徒：就是胸怀祖国，放眼世界！冲出西营盘，离开鲤鱼门。投资早已包括内地及全世界，不但要做个勇敢嘅中国人，亦努力做个成功嘅地球人。近年艺术品有价，可惜我老曹冇艺术修养，例如印章、国画甚至近代新作升值，均以倍为单位。换言之，只要open your eyes，到处都系投资机会。做人切忌画地为牢，明明冇局限，却自己画个圈企入去，呢样又话唔得、嗰样又话唔敢，然后又叹社会唔畀机会佢，等佢怀才不遇。我老曹只相信Seek your fortune，take your adventure（财富要自己去搵）！
瑞源国际（476）、新银集团（988）、保利香港（119）、中国高速（149）停牌。
■辰罡科技（8131）7月11日；亚洲资源（899）、庄士机构（367）、鹰美（2368）、结好（064）、大众金融（626）、新兴光学（125）13日；中大印刷（055）、大昌微线（567）、理文造纸（2314）、毅力工业（332）16日；东方表行（398）18日；华脉无线（499）19日；进智公交（077）、中国燃气（384）20日：上海青浦消防（8115）31日；东亚银行（023）8月2日；港交所（388）15日公布业绩。
曹仁超
PDF原文：
原序号：67序号：
17
标题：
唔好期望港股大熊市
来源：
信报
发布日期：
2007…07…07
全文：
7月6日，周�