按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
2007…06…14
全文：
6月13日，周三。恒生指数跌57。64，收20578。75。6月期指跌61点，收20534点。全球各国央行倾向紧缩货币政策，令金融股同地产股受压。油价回落，令石油股有回吐压力。中国铝业（2600）复牌升4。8％，收报十一元。
香港买地起楼成微利生意
英皇国际（163）升11％，见二元五角四仙，系1997年10月以来最高。公司出售20％股权，每股二元一角五仙，集资五亿八千九百三十万元，另向英皇酒店（296）出售10％Nova Strategic股份，该公司持有澳门酒店50％权益。今天英皇酒店股价升4％，见一元七角。
周二卖地由新地（016）以五十五亿六千万元投得，平均每尺楼面价六千零六十七元。有人认为成交价逊预期系受环保团体抗议影响；我老曹则认为系因为喺香港买地起楼已成为微利生意。以上述楼价加20％〃发水〃后，落成后每尺要卖五千八百八十二元才打和，依家该区现楼售价每尺六千元，即未来三年如楼价唔升，呢幅地系白做。反而返内地买地，假设未来三年内地楼价唔升，仍可产生25％毛利，唔使博，形成唔少地产商嘅资金早已回流内地，并减少响香港买地。香港地产好友只余下新地、信置（083）及南丰及九仓（004）等，其余香港地产公司早已中港两边走。
中粮乙醇计划唔受影响
市传中信证券计划下半年来港上市，集资唔少于二百三十五亿元，将成为本港首间上市嘅内地证券公司，由花旗集团协助。去年中信证券获利二十三亿七千万元人民币，今年首季获利十二亿五千四百万元，较去年同期急升九倍。
有关再生资源生产，国务院常务会议已通过发展规划：以不得占用耕地、不得消耗粮食、不破坏生态环境三大原则下，才能生产〃非粮燃料乙醇〃，即不能用粮食生产乙醇。至于过去已批准嘅吉林燃料乙醇公司、黑龙江华润酒精公司、河南天冠燃料集团及安徽丰原燃料酒精公司，由于早已获国家批准，唔喺管制之内。除上述四家可用粮食生产乙醇外，各地政府将不再批准新建专案。换言之，中粮控股（606）乙醇计划唔受影响。
日圆跌至2002年以来最低，成122。3兑1美元，仅次于2002年12月13日122。32日圆，因相信6月15日日本银行仍无意加息，任由日圆汇价疲弱下去，让资金继续由日本流向世界各国。
金价未完成牛市三部曲
金价去年5月见730美元，与今年4月20日嘅692美元形成敏感三角形，到底系派发抑或收集？技术上睇，如金价升穿692美元，将进入另一次大幅上升期；反之，如600美元失守，便确认去年5月至今系一个大派发。上一个黄金上升周期1969年起步、1980年1月结束，共十二年；依家呢个黄金上升周期1999与2001年形成双底起步升至去年5月，并未完成牛市三部曲（响第一部曲投资者唔信金价会升；第二部曲开始信金价可上升；第三部曲揸金唔放）。以投资心理分析，黄金牛市只完成第二期，理论上应有第三期。我老曹意见系，金价如见630美元可收集，止蚀位590美元。点解今年下半年要开始收集黄金？据金融占星术家Rebert Gover解释，土星与海王星每七十六点六年形成一次一百八十度角，到时可令地球上嘅金融泡沫爆破，只有黄金才系避难所。上一次土星同海王星形成一百八十度角系1932年，下一次系2008年。即年地球上将出现另一次金融泡沫爆破潮，各位要小心呢个〃天文现象〃也。
金钱令整个世界转动。我老曹睇住D金价、股价、楼价升升跌跌，已十分娱乐性，毋须睇《溏心风暴》。金市、股市、楼市内嘅故事，绝对较电视剧更加变幻莫测。每只二线股升跌嘅背后故事都好精彩，只系记者无法将它发掘出来，其勾心斗角之技巧，连〃细契〃都不如！二线股中，90％冇投资价值，余下10％极有可能系明日嘅大蓝筹，未来升幅系十倍、二十倍、三十倍甚至一百倍。点样响佢仲喺十字路口时搵出来，与它一起成长？其中大有学问。请问有几多人能够喺一只股份身上赚取十倍、二十倍利润？大部分人喺一只二线股上升过程中一早已止赚，止赚系大部分投资者无法改变嘅心态，有时都几心灰。香港人连赌马都要研究一番，但投资股票却可以不求甚解，只知冧巴，连公司做乜生意都唔知，咁嘅投资者赚到钱，真系天冇眼。细心观察、小心求证，系炒卖二线股嘅必备手册。
债券市场回落，虽然影响美股，但对今天港股影响轻微。香港投资者渐明白Don't trade markets；trade stocke（拣股唔炒市）找寻趋势向上股份、沽出趋势向下嘅股份。
毕非德1965年至今每年令资本上升21。5％而成为全球第二名首富，并唔值得羡慕。二十年前Schwarzman及Peterson创立私人投资公司黑石，今天黑石集团总市值三百二十亿美元；两位仁兄喺黑石上市后退休，收回二十三亿美元。点样将四十万元喺二十年内变成二十三亿美元，才系新一代投资经理人应学习嘅对象，即每年令资本升值75。8％！你做得到咩？过去二十年黑石完成二百项收购，主要系购入被市场低估嘅二线股，经重新整理后成为赚大钱公司，然后再将佢地出售，喺过去二十年（1987年至今）系最赚钱嘅方法。黑石公司上市，系咪代表两位仁兄认为呢个游戏已差唔多？
森池兄教大家做〃平民资本家〃，此话冇花假也。森池兄牙擦之处系自己平民出身。1970年嗰年我老曹有二万元资本、森池兄亦唔会多我老曹几多；今天森池兄家财不但够厚，而且仲好落力做善事，呢次开show系佢贴钱买难受（不但所有收入全部捐畀香港大学，送出新书则由佢自掏腰包）。有人出书教别人点样赚取一亿元，但佢自己系咪已赚到一亿元则木宰羊。森池兄十五年前已赚够一亿元，至于过去十五年是否令财富翻两番则不得而知。教人赚钱，自己未必一定已赚到钱（例如教练可训练参加奥运嘅运动员，而自己响运动方面未必叻）。不过，由已经赚到大钱嘅人教你，系唔系好D呢？我老曹认识唔少朋友都系凭自己努力赚到大钱，但只有森池兄肯将自己所学公诸于世，上述做法令人尊敬（中国人不及外国人嘅地方，就系样样都系家传秘方，唔肯公开）。外国人成功后都写书，中国人好少有上述习惯，森池兄系少数先行者。我老曹希望更多香港人成功后，将自己成功嘅方法公开，只有咁样，中国人嘅投资智慧才与日俱增，有一天能挑战华尔街。
回归十年，以恒生指数睇，港人尝尽咸，甜、酸、苦、辣。由1997年8月恒生指数16820点回落到1998年8月7日6544点，升至2000年3月22日18200点，再急跌至2003年4月8300点，然后上升到今天20578点，认真荡气回肠。经历几许起伏，有人从中赚咗唔少（占20％左右），更多人损失惨重（占80％比重）。港人经历过亚洲金融风暴，亦面对过科网泡沫爆破，然后再由沙士疫症中站起来。恒生指数由今年5月受QDII刺激见21000点，今后何去何从？
1997年系红筹股年，全年集资八百亿元中。57％来自十一家红筹股，共集资四百六十亿元。最出色系北京控股（392），1997年8月曾见二十五元六角，到今天仍无法再见！对北京控股股东而言，股市系酸嘅。2003年3月股神毕非德购入中石油（857），引发香港炒卖天然资源股热，国企指数由2003年4月2209点升到2007年5月11133点，升幅十分惊人；对持有天然资源股投资者而言，股市系甜嘅。2000年3月科网股泡沫爆破，持有科网股例如电盈（008）由二十多元跌至一元（然后合并），损失惨重，喺佢地眼中，股票市场系苦嘅。2005年交通银行（3328），建设银行（939）上市，去年再有中国银行（3988），工商银行（1398），再加上中国人寿（2628），平安保险（2318）等等，揸咗内地四行三保嘅投资者而言，股市系咸咸地几好味。至于持有中移动（941）、中联通（762），中移动股价由2000年初八十多元回落到十多元，然后又重回八十元附近。股市相当辣。因应投资对象唔同，感受亦各有唔同，对个别投资者而言，过去十年真系百般滋味在心头。
财富与幸福冇直接关系
回归十年，无论你喺股票市场系赢家或输家，想问一句－你幸福吗？詹瑞文兄告诉我老曹：自从佢嘅小女儿出世后，佢感到好幸福。真正嘅幸福同收入冇直接关系。今天我老曹嘅财富可随时买件钻石饰物送畀太座而毋须多加考虑！但太座多次表示话唔要，理由系唔珍贵。每次只见你签信用卡便可敚邌鳎『保浚∥姨衔钫涔笙蹬耐鲜蔽宜皖瘉趩ㄍ迳汉髦槭挝铮瑔袷笔奂郯耸谩５憬猓恳蛭胤菔挝锵滴依喜芊牌礁鲈略绮豌シ祰瓎ǖ蹦晡依喜茉氯肴僭诟械叫腋Ｏ涤幸桓瞿腥宋獏蚍菔挝锼皖瘉诙牌煸绮停环粗裉靻晔挝铮幌滴依喜軉招庞每ㄉ锨└雒选Ｔ次镏省⒉聘坏脑黾樱硪欢ㄈ萌烁械叫腋＃绕湎荡锏揭欢ㄊ杖胨街蟆！�
专业期刊《阿尔法》公布，据福鲁哈尔博士研究，去年世界上二十五位最顶级收入嘅对冲基金经理（平均年薪二亿四千万美元，即十八亿七千万港元），佢地感到幸福吗？答案系〃生活令人沮丧〃！呢个结果十分令人奇怪。原来收入达到一定水平后，再上升亦唔会增加幸福感；冇钱好难令人感到幸福，因此必须拥有一定财富，但之后更多嘅财富并不能为人类带来更大幸福感。做一个富爸爸（例如衣食足）系需要，然后做个〃笑爸爸〃吧！唔好追求无意义嘅社会地位，请把婚姻生活、孩子、朋友关系放喺与工作同等嘅地位，系我老曹响父亲节前献畀所有做父亲嘅男士，并�