按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
？）。中国政府响别人跳最后的华尔兹才到达舞会，结果舞跳唔成，却要帮手执头执尾。我老曹相信，睇本栏嘅读者都系理性一群，明白响恶劣市况更加要着重挑选股份。睇开本栏嘅读者早知我老曹立场：一、唔同意罗杰斯去年认为商品长期牛市论，反而担心商品价格喺去年及今年见参差顶，未来工业用原材料价格仍会保持高价上落许多年，不过欲再创新高价似乎唔系咁容易。任何项目经过七年牛市，起码要抖一抖，饮啖茶食个包。 Blackrock's World Mining企业CEO韩艾飞讲得好：原材料价格已升咗六到七年，如果仍未刺激未来供应上升，投资者系低估咗市场调节机制。佢估计未来三至五年发展中国家对铝、铜、油等需求加起来将超过去年全球总需求，但同时巴西、俄罗斯、印度、中国嘅铝、铜产量会上升一倍，唯一唔清晰系石油。即未来天然原材料需求十分大，但同时供应量亦大增。
1980年天然原材料价格牛市结束，熊市开始，一直维持到2001年第四季（部分喺1999年见底）。过去五至七年系黄金及天然原材料价格上升期。直到旧年5月黄金见730美元、8月油价见80美元；至于其他较稀少原材料价格，估计今年见顶。至于农产品价格，因为受天气影响，只有望天打卦，冇人事前可知道。随着美国楼市进入熊市，我老曹愈来愈肯定此一推论。
做人要有passion，分析需要integrity，就系咁简单，又或忠于事实、不自我欺骗。原来人最喜欢呃自己。例如明明喺度投机，又话自己投资，别人讲嘅嘢唔啱自己心水便选择性失聪，自我形象膨胀喜欢扮上帝，明知自己冇预测能力却经常预测。世事其实好简单，例如去年下半年起美国楼价开始回落，只要避开同呢方面投资有关嘅项目便可。直到转势为止。金价去年见730美元后一直反覆冇方向，又何必花大量时间分析金价？油价去年见80美元至今未升破。情况亦一样。
跌市吸纳下一轮上升股
恒指见23000点后点算？宜作适量减持，但毋须恐慌性抛售（Don't throw your baby out with the bath water）。倒水之时冇理由将自己嘅BB都倒埋出街。利用跌市期吸纳下一轮上升股份，为未来升市做准备工夫。面对危机，首先唔好恐慌（火灾之时通常踩死多过烧死），但须应付。
理性推测美元已完成2002至07年7月嘅回落期，进入反弹期；2002年被睇好嘅行业应睇淡，2002年前被睇淡嘅行业开始有生机（风水轮流转）。CDO市场继续令美国金融股受压，同时令美国长息低于5厘。即资金成本冇上升，因此可继续搵投资项目。同1998年出现长期资本管理危机唔同，当时格蛇手起刀落减息，呢次相信联储局唔多理会CDO问题，以便CPI升幅回落到2％以下。股市波动难免，但并非大跌，从前嘅英雄已老。但新嘅英雄又诞生。
人民币加快升值，加上出口退税大减，对出口业继续带来影响。从猪肉、奶粉到方便面涨价，代表内地CPI仍在上升（康师傅涨价一至两成，多美滋奶粉8月1日起提价一成、孕妇奶粉提价二成）；汽油倒挂现象（成品油较原油便宜）又再出现；中国面对煤价上升，却迟迟唔批准电费加价，对电力股未来纯利不利。未来股市又须重新评估一番。
投资细价股必须做Gunner（大炮手），事前必须瞄准然后才开炮，学习做Jumper（跳跃者）。呢D又系old dogs学唔晓嘅new trick，无谓对住D old dogs嘥气。
呢个世界好唔公平：如你贫穷。欲变成富有十分困难；反之，如你已富有，变得更富有却好容易。例如你已大把钱。内地H股来港上市，反而进一步配给H股畀你；反之，如你系散户，却要面对十抽一甚至百抽一。
不但如此，如你已有1000万元资本。每年赚取100万元十分容易；反之，如你一无所有，希望一年赚100万元比登天仲难！
另一因素系你已十分富有，投资一只细价股100万元，赚200、300万元十分容易（因为你唔怕失去嗰100万元，同时唔急于套现）；反之，如你只有10万元，欲赚20、30万元却十分困难（因你患得患失）。过去五年唔少人仲系喺负资产行列中挣扎，但富有人家早已身家倍增矣。
如要摆脱贫穷，先养成富人心态，就系唔赚10％到20％利润，立志赚100％到200％利润。
曹仁超
PDF原文：
原序号：347序号：
47
标题：
大行又睇错市
来源：
信报
发布日期：
2007…07…31
全文：
7月30日，周一。恒生指数升169。49，收22739。9；成交807。27亿元。7月期指升52点，收22619点；8月期指升157点，收22729点。国寿（2628）升3。3％，报33。1元；中国平安保险（2318）升2％，收64。65元。联想（992）升11％，报5。13元，估计另一季纯利大升。中石油（857）回落3。2％，报11。38元，因巴郡减持1690万股，持股比例由11。05％降至10。96％。
沪深A股升2。4％，报4410点，过去七个交易天指数上升16％。宝山钢铁升7％，见13。49元；鞍钢升9。9％，见24。39元；武汉钢铁升7。1％，收报12。56元。
上半年散户跑赢机构投资者
汇控（005）上半年除税前利润上升25％，每股获利上升22％，达0。95美元〔包括从挂牌嘅中国联营公司交通银行（3328）及兴业银行投资所得收益46。 32亿港元〕，又一次显示大行睇错市。汇控响伦敦升2。6％，成903。5便士。虽然喺北美洲利润受次按影响而减少5％，但来自欧洲及亚洲等地区嘅税前利润可抵销上述业绩倒退有余。
为加强银行体系流动性管理，抑制货币信贷过快增长，中国人民银行决定从今年8月15日起上调存款类金融机构人民币存款准备金率0。5个百分点。
花旗推介中渝置地（1224），新目标价11。5元，主因系成都、重庆地产起动，进入新一轮上升周期。
《华邮》网站话：The best gains，year in and year out，are in low…priced stocks。The average investor is an excellent position to achieve above…average gains in these stocks。今年上半年跑赢大市者，系喺二线股市场炒出炒入者，一般散户平均表现较机构投资者佳，相信系近期大行亦加入推介细价股行列嘅原因。
日本自民党上周完成投票后成为弱势政党，令日本未来经济繁荣之路更难行。过去五年日本经济复苏未为较穷嘅日本人带来机会，因此对执政党渐感失望。响冇强势领导下嘅日本经济，有机会成为全世界跟尾大班（即全球经济复苏，日本可能系最后一个好转；一旦全球经济呆滞，日本有可能系最先一个掉头回落）。自1990年起我老曹已系日本经济淡友，至今态度未变。日本民族节俭成风，战后至1990年嘅经济繁荣，令日本人搵落唔少，继续收息度日绝无问题，并成为全球资金供应国。例如1990年代日本资金流向亚太区，令整个亚太区繁荣起来。亚洲金融风暴部分成因系亚太区资金回流日本，2000年起利差交易又令唔少地区经济繁荣起来。日本呢次投票结果，对日本本身系不幸，但对从事利差交易者而言可能系好消息（例如8月24日日圆唔加息等）。
石油实际需求唔强烈
次按情况亦一样，美国楼市呆滞，反令全球天然原材料价格无法进一步上涨（能源同食物价格唔受上述因素影响），令美国未来CPI涨唔起嚟；通胀压力减少，令美国十年期美国长债孳息率停留响5。25厘之下。资金成本有上升，令贝南奇推行嘅黄金岁月时段持续（经济继续唔太热唔太冷），甚至有利中国经济降温，股票市场选择性投资继续玩落去，大趋势系资金继续由西方流向东方！从毕非德减持中石油睇，资源股投资者宜获利回吐另搵新项目（旧英雄已老，新英雄崛起，有智慧不如趁势）。2001年开始嘅炒卖资源股潮，今年系咪到咗告别篇？
TIPS（1997年由美国财政部创造出来嘅对抗通胀债券，畀担心通胀嘅人士投资）可反映未来六个月美国通胀。照家吓情况睇，未来六个月美国CPI唔会恶化，并非如石油好友所言，因为受TIPS保障嘅债券未有出色表现（2005年CPI上升3。4％、2006年2。5％，估计今年平均数低于2。5％，2008年有可能低于2％）。虽然高盛估计油价年底见95美元及明年见100美元，但响油价上升中，美国汽油价格却回落，无铅汽油2。92美元一加仑，反较5月23日嘅3。23美元回落9。6％。成品油价格回落，反映真正需求并唔强烈。
宝源投资、荷银资产管理、Black Rock Inc。、摩根大通私人银行一致认为，长达四年半嘅牛市仍在进行中，即大家都认为呢次只系一次调整，唔系熊市。我老曹上周已警告大家：唔好将自己嘅啤啤连同冲凉水一齐倒掉。成熟投资者早已明白炒股唔炒市，唔会因恐慌而抛售，唔好短炒，应学习捕捉趋势。
售货员分析可能胜专家
市场只有Smart money与Stupid money之分，并无大户散户之分（中国政府够唔够大？投资百仕通却惨败。跟住个stupid大户，你一样系stupid），上述已系老生常谈。智慧唔系天生嘅，而系见一事长一智，系做功课嘅成果，即使投资界泰斗，如果唔做功课就去投资，成绩一样可以差过你同我，做足功课嘅散户随时打赢超级大户（大卫与歌利亚嘅故事）。钱多唔系大晒，钱少唔系输晒。四十年前有1000万元家财者如唔晓理财，今时今日一样要申请综援；反之，四十年前以一万几千开始，今时今日已拥有过亿元家财者大有人在。一个售货员对零售业嘅分析可能好过一个专家。例如我老曹对内地房地产嘅分析唔及中原地产内地一位经纪，因为佢天天接触内地房地产。唔好畀名�